Hoyi hai shaam

Hoyi hai shaam to aankhon mein bas gaya phir tu
kahan gaya hai mere sheher ke musaafir tu

Bahut udaas hai ek shakhs tere jaane se
Jo ho sake to chala aa usi ki Khaatir tu

Meri misaal ke ek nakhl-e-Khushk-e-sehraa hon
Tera Khayaal ke shaakh-e-chaman kaa taa-er tu

Main janta hon ke duniya tujhe badal de gi
Main manta hon ke aisa nahi bazaahir tu

Hansi Khushi se bichhad jaa agar bichhadna hai
Ye har maqaam pe kiya socata hai aakhir tu

Faraz tu ne use mushkilon mein Daal diya
Zamana saahib-e-zar aur sirf shaayar tu

Love Shayari