Muhabbut ki Soughat
Home » Love Poems » Muhabbut ki Soughat February 8, 2010 Love Poems
Mohabbat aik ghalti hai
Mohabbat aik ghalti hai
Karo laakh ghaltiyaan magar yaad rakhna
Mohabbat aisee ghalti hai k
Jis ki na muaafi hai na tobaa hai
Jisay ye rog lag jaaye
Ye us ka jog ban jaaye
Musalsal rog ban jaaye
Ye raaton ko jagati hai
Ye aankhon ko rulaati hai
Ye dil ko aazmaati hai
Mohabbat main nahin kuch bhi
Agar kuch hai to tanhaai
Zamane bhar ki ruswaai
Mohabbat dard hoti hai
Ye aisee aag hai k jo
Bohat he sard hoti hai
Mohabbat jeet hai lekin
Mohabbat karne wale ko
Hamesha maat hoti hai
Kabhi milta hai dard-e-dil
Kabhi tanhaaiyan or gham
Mohabbat may faqat hasil
Ye hi soghaat hoti hai
